وفيها ايه هعنس وفيها ايه يعنى لما هقعد على الرصيف عادى فى الزبادى مادام البلد
مش فيها رجالة فى ستين داهية يغوروا يولوعوا بجاز مش نضيف
العريس يجى من دول يعمل نفسه البيه البواب ينجعص يمين وشمال وكأنه الفارس الهمام وفى الاخر يقول اصل وفصل فى ستين داهية روح اتحرق بجاز اغبر يعنى من غير راجل هموت ولا هيطلعلى حاجة فى مناخيرى المهم بقى انى اعيش ومايتوقفش حياتى على جوز الجذمة اللى هيتكرم وييجى
والشباب اللى بيضحك على البنات ويفهمها انه بيحبها وهى ياولداه تصدق ماهى عايزة تتقندل على عمرها راخرة يولوعوا
فيها ايه لو نصيبى ماجاش فيها ايه يعنى المهم الحكومة المبنجلة توفر لنا شغل دى اهم حاجة عشان مايبقاش عنوسه وعطلة دة اهم حاجة
يعنى حقوق العوانس فين حقى فى شغلة وحقى فى لمة وعيلة
كل دى حقوق للعوانس
مسعدة ابو السعود حقوق العوانس
هناك تعليقان (2):
أكيد طبعا حقوقهم موجودة
على فكرة مدونتك هايلة
ليه مش بتحاولى تعمليلها شوية دعايا عشان الناس تعرفها؟
انتي عاوزة تنشئي رابطة جديدة ؟؟
شوفي بس الاول ممكن تكون موجودة .. ومحتاجة اعضاء جدد بس
تحياتي
إرسال تعليق