ربنا يجازى اللى مضايق مسعدة

بجد حاجة تخنق اللهم ما انى مخنوقة من الشغل والبيت وكل حاجة مزفتة بجد

مافيش الا كرة وقرف وزبالة وناس مقرفة ماعندهاش دم بجد انا خلاص قرفت

ووصلت مرحلة القرف

الغير منطقى فى الشغل خانقة وفى البيت خنقتين

وناس تلعب عليك يمين وشمال وحاجة تغم النفس بجد انا عندى احساس انى فى يوم

هطق او افرقع من جنابى فى الشغل الحال مقندل مقندل بجد وربنا يعينا الواحد نفسه

فى يوم يلاقى روحه طلعت او جاله

موتة ويخلص بجد نفسى كدة تدعولى ربنا يرفع غضبه ومقته عنا

غير بقى الاخبار اللى زى الطين اللى فى النشرات يعنى بجد الواحد يروح فين ياربى

لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

أةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

ياخرااااااااااااااااااااااااااااااااااااااااااااااااااااااااااااااااااااااااااااااااااابى

يامسعدة ربنا يخدك بقى

دماغ

عايزاكم تحكموا على الموقف دة

واحدة زميلة فى العمل مش تمام المهم البنى ادمة دى عايزة تفهمنى ان هى اللى صح

وانا اللى غلط المهم البنى ادمة دى بتقولى ان زمايلنا فى العمل بيقولوا عليا انى جدية

اوى والمفروض اننا اهرج واعمل زيها

المهم البنى ادمة دى بتحب فى الشهر دستة مرة واحدة

مش عارفة ليه الغلط عايز يثبت انه صح والصح بقى ليه ضعيف فى نفوسنا يمكن

فعلا كدة

المهم البت دى بتقولى اتردحى وابقى زى كدة قلت لها زيك ادوب دستة فى شهر

ضحكت وقالت انا اللى صح دة الناس بيقولوا عليكى معقدة ومش عارفة ايه

بالله عليكم فى زمننا دة مين الصح ومين الغلط ؟

ضد من لامل دنقل

ضِدُّ منْ.. ؟

أمل دنقل - مصر

في غُرَفِ العمليات,

كان نِقابُ الأطباءِ أبيضَ,

لونُ المعاطفِ أبيض,

تاجُ الحكيماتِ أبيضَ, أرديةُ الراهبات,

الملاءاتُ,

لونُ الأسرّةِ, أربطةُ الشاشِ والقُطْن,

قرصُ المنوِّمِ, أُنبوبةُ المَصْلِ,

كوبُ اللَّبن,

كلُّ هذا يُشيعُ بِقَلْبي الوَهَنْ.

كلُّ هذا البياضِ يذكِّرني بالكَفَنْ!

فلماذا إذا متُّ..

يأتي المعزونَ مُتَّشِحينَ..

بشاراتِ لونِ الحِدادْ?

هل لأنَّ السوادْ..

هو لونُ النجاة من الموتِ,

لونُ التميمةِ ضدّ.. الزمنْ,
***

ضِدُّ منْ..?

ومتى القلبُ - في الخَفَقَانِ - اطْمأَنْ?!
***

بين لونين: أستقبِلُ الأَصدِقاء..

الذينَ يرون سريريَ قبرا

وحياتيَ.. دهرا

وأرى في العيونِ العَميقةِ

لونَ الحقيقةِ

لونَ تُرابِ الوطنْ!

=======================

انا اخترت القصيدة دى لأمل دنقل لانى بحس بكلماته اوى

وبعدما أقرأ هذة الكلمات بحق أتساءل لماذا لون الحداد أسود

هل لأنه بحق لون تميمة ضد الموت

وأقف عند جملة

ضد من ومتى القلب من الخفقان اطمأن

بحق متى القلب أطمئن

وهل لون الحقيقة هو لون تراب الوطن

بحق كلمات رائعة

الحاكم بـأمره

مسعدة مسعود أبو السعود

النهاردة خرجت من البيت على الساعة ستة مساءا جميل ايوة جميل المهم وانا ماشيه

مافيش واحد ماشى فى الشارع الا وادانى كلمة ماعرفش ليه مع انى لبسى مافيهوش

اى حاجة ملفتة للنظر

يعنى واحدة عادية عادية ماشية فى الشارع بجد ايه اللى حصل دة وطبعا أنا كنت

خارجة فى الوقت دة لأنى عندى ميعاد مع دكتورة الأسنان مش عارفة اية النظرة دى

وليه أى بنت ماشية مطمع هو الشارع دة للرجالة فقط طب قولوا لنا الساعة كام

عشان نعمل إحتياطنا ونقعد فى بيوتنا

بجد ياجماعة الموضوع زود أوى ودة لا من الدين ولا من الاخلاق فى حاجة

ولا المبررات اللى بيقولها الشباب أصل هى لابسه أصل هى اللى قالعة يعنى المتحرش

نصب نفسه الحاكم بأمره عشان يحاسب بنات الناس والمهم أن المجتمع يسمع له

أنا فى نفس الوقت مش بشجع التبهرج لا بس انا معترضه أننا نعين المتحرش الحاكم بأمره دة اللى بيعصبنى

مسعدة

محتاااااااااااااااااااااااااااااااااااااااااااااااااارة

والله الواحد محتارفى البت مسعدة دى يتكلم فيها عن ايه مع انى أول ماأنشأتها كنت

عايزة اتكلم عن حاجات كتير بس مس عارفة أتكلم عن حاجة معينة

سياسة

حب ورومانسية

تقشير الكوسة والبطاطس

عارفين بجد الواحد محتار فيها شكلى كدة هولع فيها وأخلص منها

بس لا خليها للفضفصة يمكن فى يوم ألاقى حاجة أقولها

من الاخر عايزاكم تبقوا معايا هى المدونة هتبقى مش مرتبة وذلك لدواعى دماغية

يعنى ممكن مرة اتكلم فى حاجة ومرة أتكلم فى حاجة تانية خالص

يعنى المدونة فاشلة من الاول ممكن أحكى فيها حكايات فشلى

بس لازم الاول أقسم الفشل الى أقسام فشل فى العمل وفشل فى الاستقرار

وفشل فى الفشل نفسه يعنى فشل فشل بس أكيد سعدية دى انا وهى هنكون صحاب

اة يعنى هقدر افضفض لها وتفضفض لى من غير كسوف .

وفى الأخر بقى أدعولى نتفق أنا والاستاذة سعدية ونبقى اصحاب كدة وحلوين مع بعض

مسعدة مسعود أبو السعود

حب رغم أنف الزمن

سأكتب للحب نعم سأكتب للحب هل من ممانع سأخرج كل طاقات الحب وبراكين التى

تسكن داخلى هنا فى هذة المدونة المتواضعة ان كنا نعيش فى عالم كله كرهه وحروب

انى اعلنها عالية لن أعيش انا فى هذا الكرهه لن أعيش أنا فى هذة الحرب سأبنى مدونة

للحب ليس هناك شيئا أخر سأتحدى نفسى وذاتى

إن كان لن يكتب لى أن أجد الحب يوما سـأبحث عنه داخلى وليحترق كل من حولى

---------------------------------------------------------

تخيل حب

احبك احبك

اعلنها صراحة بلا اوزان

احبك احبك

رغم البعاد والاشواق

تمنيت يوما ان اراك

ممتطى حصان ابيض

يشق الرياح

تجرى انت بالحصان

كأعظم فارس همام

ستقولون أحلام قديمة

ولكنها جميلة تعبر عن مكنون الحب

فكم جميل ان يأتى الفارس

ليأخذنى على الحصان

وننطلق سويا فى عالم رحب من الاحلام

ترتسم السعادة على شفتى

لاول مرة فى تاريخ انسان

يظل الحصان يجرى بين الاشجار

تتساقط علينا السعادة

كأنها ورقات الاشجار

لتنبت اوراق جديدة جميلة

ومازال الحصان يجرى بين الاحلام

أمثال مسعدة

امثال مسعدة

ياواخدة القرد على ماله يروح المال ويفضل القرد على حاله

يامسعدة ياهبلة اسكتى بقى

ياواخد مسعدة يامتهنى للعشا

يامسعدة ياهايلة امتى تعدلى المايلة

يامسعدة يامتغدية فول مدمس هتاكلى ايه على العشا

مسعدة يارايقة امتى تتعدلى يافايقة

مسعدة ياغيظاهم

مسعدة بتهنى العالم العربى لضرب بوش بالجذمة ووعقبال الضرب بالرصاص

فى ميدان عام عشان يعرف ان الله حق

وزغردى يابت يامسعدة

مسعدة سعيد مسعود أبو السعود

مسعدة عايزة تنكت

البت مسعدة جميلة وزئردة

البت مسعدة بتعمل ماجستير ودكتوراه فى الغلاسة والغتاتة والتباتة

مرة واحدة اسمها مسعدة وقعت فى البلاعة لاقت ابن الحلال

مرة واحدة اسمها مسعدة ماشية فى حالها لاقيت حالها مش ماشى معاها

--------------------------------------------

معلش بحاول اقول نكت بس الغتاتة بقى مش عارفة اقول نكتة عدلة

اللى عندوا نكت يضحك بيها الاخت مسعدة مايتأخرش

-------------------------------------

مسعدة أبو السعود مسعود اللهم الهمنى النكت بقى

أمامى الأن لوحة مكتوب عليها ان الله مع الصابرين قلت الصبر مفتاح الفرج

واصبر تنول والصبر فى الملاحات

ربنا يلهمكوا الصبر على تقل دمى انا بصراحة شديدة عاملة المدونة الخايبة دى عشان

اهيس من نفسى

فاعذرونى ان كانت الافكارمش مرتبة ولا حاجة

مسعدة ابو السعود مسعود

ربنا يسعدكم جميعا

كله يدلع نفسه

يابطوطة ياكتكوتة ياصغنونه ياحتة بسكوته ياختى جماله ياختى حلاوته إغمالة روح

قلبى

معلش بدلع نفسى حد عنده إعتراض .قلت أدلع نفسى شوية الواحد لازم كل شوية

يدلع نفسه حبتين نعمل ايه الواحد ساعات دماغه بتضرب ولازم ياخدها على أد

عقلها ويسايسها ويدلعها ويعطيها أهميتها والوضع بتاعها بس الصراحة انا مقصرة

مع نفسى قوى

وساعات بعيشها فى الواقع أوى ومابديهاش فرصة تفرفرش شوية ولذلك اصبحت مثال

للجد وتروح كدة تلاقى جد وتيجى كدة تلاقى جد ويقولوا لك خد الدنيا بتهريج شويه

وببساطة عشان تقدر تعيش وانا الصراحة ماعرفش التهريج ومن زمان أوى وانا

بحب الجد
بس الصراحة الواحد تعب من الجد ومعايشتى للواقع خلتنى عاملة زى المومياء

المتحركة نفسى كدة أبقى ملكة التهريج وليه لأة وأهو كدة أبقى عال العال نفسى أبقى

كدة مرة فى حياتى

وكيف لى بهذة اللحظة والواقع أمامى وخلفى وفى كل مكان

خائفة من الحب

خائفة انا على قلبي من الحب

اتحاشى نظرات الحب والهوى

اخاف من يأتى ويكسر قلبى

فتركت قلبى خاويا

تكسره الايام خائفة من الحب أنا

أتلفت أجد من حولى يتنفسون حبا وأنغام

وأنا أتنفس الوحدة والألام

أبتعد عن الحب وأرهبه

لماذا أنا خائفة من الحب

ولم اجربه يوم ولا فى الاحلام

اناس يتقربون لى وابتعد أنا عنهم

وكأنى أبتعد عن الحزن والاحزان

الى متى ستظلين خائفة من الحب

والكل من حولك غرقان فيه الى الاذان

خائفة انت على قلبك

من تكون البت مسعدة

مسعدة من تكون مسعدة ؟

بت عادية جدا بل مافيهاش أى حاجة ملفتة للنظر

مسعدة من أسمها نفسها تكون مسعدة بس للأسف

حظها معاند معاها أوى

وصلت لسبع وعشرون عاما وهى لسة واقفة عند نقطة واحدة مش راضية تتحرك منها

قالت تعمل مدونة تحكى فيها حكايتها المنطقية

مسعدة مالهاش فى السياسة

مسعدة مالهاش فى الحب بس ممكن تتكلم عن أنطباعتها عنه

مسعدة مالهاش فى التدخين مسعدة بت دماغها مسوجرة

مسعدة مش مقتنعة باى حاجة

كل اللى مقتنعة بيه انها بتمشى على رجلين

مسعدة مش هتتكلم عن العنوسه وخاصة عنوستها

هى خلاص سبتها على ربنا رغم الشوائب اللى لسة عالقة من ناحية المشكلة دى مع

تحيات مسعدة سعيد مسعود أبو السعود

مسعدة سعيد مسعود أبو داود

السلام عليكم

انا مسعدة الاستاذة مسعدة اصل حد يفتكر حاجة تانية انا لا اأقبل ألا استاذة مسعدة

دة برستيج يافندم ماحدش يتعداة

هتتعرفوا من خلال مدونتى على شخصية الاستاذة مسعدة

ودة طبعا مع الايام هتعرفونى أكتر

ويارب تكون معرفة خير أصل الواحد مش ناقص شر أشتاتا أشتوت

مع تحيات مسعدة سعيد مسعود