شوفوا بقى بما ان المدونة دى هتبقى افشل مدونة ان شاء المولى فانا بقى هحكى وافضفض فيها
ايه رايكم فى الشات ايوة الشات اللى قد يكون متنفس لبعض البشر ومعرفة افكار ناس تانيه وازاى بيفكروا والكلام دة يعنى واحدة صحبتى بتقولى انها حبت عن طريق الشات اة حست بالحب الحقيقى
هل من الممكن ان يحصل حب وزواج عن طريق المخروب دة ولا كله تهريج والله اعلم
بس بجد قعد افكر فى الموضوع دة اوى يبقى حب ولا سراب
وياترى حد جرب انه يحب من خلال المخروب دة اللى مدعو الشات والله مانا عارفة افيدها ازاى البت دى هى بتحكى عن حب كدة اشبه بالحب الافلاطونى بس حاسه بعذابها اوى لانها اول مرة تحب وبجد انا مشغولة عليها
ادى ياختى حب الشات كمان اللى طلع فى البخت والمتقدر المهم انا عاوزة نضع ايدينا على مشكلة البت دى اصل البت حبه وهتنهار ونفسى بجد اساعدها ولو حد ليه تجربة فى الموال الهباب دة يحكيها لانها عاوزة تعرف هى صح ولا غلط والله ولى التوفيق
هناك 3 تعليقات:
هو ممكن الشات يكون وسيلة لصداقة محترمة
لكن حب معتقدش
دمتى بكل الود
جايز والله أعلم
محدش يعرف النصيب ممكن يآجي إزاي
بس لازم متنجرفش بمشاعرها قبل أن تعلم عنه كل شيئ سواء ظروفه الإجتماعيه
والأسريه
فالكذب من خلف الشاشه ما أيسره
وأسأل الله أن يقدر لها الخير حيثما كان
الشات زيه زياي وسيلة تعارف في الدنيا
الجديد فيه انه جديد ..
حب لا
لكن ميل وتعلق طبعا ممكن
تحياتي
إرسال تعليق