مسعدة مسعود أبو السعود
النهاردة خرجت من البيت على الساعة ستة مساءا جميل ايوة جميل المهم وانا ماشيه
مافيش واحد ماشى فى الشارع الا وادانى كلمة ماعرفش ليه مع انى لبسى مافيهوش
اى حاجة ملفتة للنظر
يعنى واحدة عادية عادية ماشية فى الشارع بجد ايه اللى حصل دة وطبعا أنا كنت
خارجة فى الوقت دة لأنى عندى ميعاد مع دكتورة الأسنان مش عارفة اية النظرة دى
وليه أى بنت ماشية مطمع هو الشارع دة للرجالة فقط طب قولوا لنا الساعة كام
عشان نعمل إحتياطنا ونقعد فى بيوتنا
بجد ياجماعة الموضوع زود أوى ودة لا من الدين ولا من الاخلاق فى حاجة
ولا المبررات اللى بيقولها الشباب أصل هى لابسه أصل هى اللى قالعة يعنى المتحرش
نصب نفسه الحاكم بأمره عشان يحاسب بنات الناس والمهم أن المجتمع يسمع له
أنا فى نفس الوقت مش بشجع التبهرج لا بس انا معترضه أننا نعين المتحرش الحاكم بأمره دة اللى بيعصبنى
مسعدة
هناك 7 تعليقات:
مسعده الحق ولاابن عمه مش كل الرجاله
انا مثلا مش بعاكس لكن ممكن تشيلى مطوه معاكى فى بنات كتيره عملت كده فعلا
البوست ده ضد الرجاله
مش كل الرجال زي ماقال اخي صوت من مصر بس معظمهم الا من رحم ربي ... والمشكله الكبيره انه يفضل يعاكس فيك ويقرفك ولما ماتعطيه وجهه ولا تتجاوبين معاه يبدا يشتم..
الله يهدي شبابنا امين
بصي يا مسعدة هانم
فيه مثل بيقول
كلها
اللى يعجبك و البس اللى يعجب الناس
ده مثل قديم اوي
ده مش معناه ان المتحرش حاكم بامر الله
لأ
ده معناه ان الناس مش بتسيب الناس فى حالها
و ربنا يكفيكي و يكفينا الناس الزفت اللى ما وراهاش حاجه غير مضايقة خلق الله
و كل سنة و انتى طيبة و بخير
الحقيقه المتحرش هيتحرش حتى لو اللى ماشيه منتقبه
واهم شئ اننا نسرع بالخطوة
وننجز ما نريد فى أسرع وقت
مش علشان احنا وحشين
لاء علشان مش ضامنين اخلاق الناس اللى اصبحت من عجائب هذا الزمن
تدنت لدرجة لم يعد هناك حد لاى شئ
فتوقعى أى شئ فى عز الظهر مش الساعه 6
وبرضه اللبس بيدى فرصه للمريض ان يمارس مرضه بسهوله ويسر
حماكم الله يا بناتنا يارب
دي بقت ظاهرة
مش عارفة المفروض نتعايش معاها ولا نعمل خناقة كل موقف
مش عارفة بصراحة
ربنا يعيننا
بأمانه الموضوع ده ملهوش حل غير ان العقوبة تتضاعف مليون مرة ساعتها محدش هيقدر يعمل كده
تحياتي
عندك حق يا مسعده الموضوع ذاد عن حده
بس والله مش كل الشبا ب بلأخلاق دى
و ربنا يهدى
إرسال تعليق